Vritet me thikë 54-vjeçari në Shkodër, policia në ndjekje të autorit

Një ngjarje e rëndë ka ndodhur mbrëmjen e sotme në qytetin e Shkodrës.

Një vrasje me thikë ka ndodhur në qytetin verior dhe mësohet se viktima është Prendush Fushaj 54 vjeç.

Sipas informacioneve të para Ndërsa, ngjarja ka ndodhur ne vendin e quajtur “Ura e Thive” ndërsa autori i dyshuar i krimit është F.P. i cili është larguar nga vendi i ngjarjes

Policia ndodhet në vendin e ngjarjes dhe ka nisur hetimet për zbardhjen e plotë të rrethanave të krimit, ndërsa janë ngritur postblloqe për kapjen e autorit.

Dyshohet se mes viktimës dhe autorit ka pasur një konflikt me heret gjatë ditës së sotme. Policia ka nisur marrjen në pyetje të dëshmitarëve por edhe familjarëve për të zbuluar motivin e krimit.