Moti i keq që përfshiu vendin paraditen e sotme ka shkaktuar probleme në porte. Për shkak të stuhisë, sot janë pezulluar lundrimet në Portin e Vlorës. Tragetet e linjës Vlorë-Brindizi janë urdhëruar të qëndrojnë jashtë kalatës së portit.
Erërat e forta dhe deti me dallgë nga 5-6 ballë në gji, dhe 6-7 ballë në det të hapur, ka detyruar tragetet të qëndrojnë në radë, ndërsa janë ndaluar edhe lëvizjet e anijeve të peshkimit.
Burime nga Kapiteneria e Portit të Vlorës konfirmojnë se, kjo situatë vazhdon prej orëve të para të mëngjesit. Të dy tragetet e linjës Vlorë-Brindizi qëndrojnë në radë, por nuk kanë pasagjerë në bord, pasi të dielën nuk ka pasur udhëtime, raporton TCH.
Urdhri për të qëndruar në radë ka ardhur për të evituar çdo problematikë të mundshme, apo edhe një përplasje të trageteve me kalatën e portit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
