Bllokimi nga bora/ Rihapet për qarkullim aksi i rrugës së Arbrit në bypass-in Qafë Murrizë

Si pasojë e reshjeve të borës në orët e para të mëngjesit, u bllokua përkohësisht aksi i rrugës së Arbrit, bypass- Qafë Murrizë. 

Automjetet devijuan nga rruga e vjetër e Burrelit. 

Sipas njoftimit të policisë, pass disa orësh, aksi është liruar dhe ka vijuar normalisht qarkullimi i automjeteve.

Rihapet për qarkullimin e automjeteve aksi i rrugës së Arbrit, bypass-Qafë Murrizë, e cila u bllokua për shkak të reshjeve të dëborës.
Qarkullimi i automjeteve ka vijuar normalisht dhe nuk ka probleme.
Shërbimet e Policisë Rrugore janë në gadishmëri të plotë për menaxhimin e trafikut dhe apelon që për shkak të lagështirës në rrugë drejtuesit e automjeteve të moderojnë shpejtësinë, të vendosin rripin e sigurimit, të mos përdorin aparatin celular gjatë drejtimit të automjetit dhe të mos kryejnë parakalime të gabuara.