Gjatë fundjavës janë gjobitur 1710 qytetarë që janë konstatuar duke lëvizur pa maskat mbrojtëse. Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3 000 lekë secili qytetarët që nuk respektonin masat parandaluese për përhapjen e Covid-19.
Ndërkohë, gjatë kontrolleve, shërbimet e Policisë kanë konstatuar 10 lokale, në ambientet e të cilave kishte muzikë pas orës 20:00 dhe nuk respektoheshin protokollet e sigurisë. Secili prej administratorëve të këtyre lokaleve është ndëshkuar me masën administrative 1 000 000 lekë.
Gjatë kontrolleve në fundjavë janë shoqëruar në ambientet e policisë në të gjithë vendin, 12 shtetas që nuk kanë pranuar t’i tregojnë punonjësve të policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3 000 lekë dhe më pas janë lënë të lirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
