Një 64-vjeçar në Elbasan është arrestuar pasi mbante një armë zjarri pa leje në banesë.
Specialistët për Hetimin e Krimit në Komisariatin e Policisë Elbasan, në bazë të informacioneve të siguruara në rrugë operative se një shtetas posedonte armë zjarri pa leje në banesë, kanë ushtruar kontroll në banesën e shtetasit Ramazan Çekës në fshatin Xibrakë, Elbasan.
Si rezultat i kontrollit, shërbimet e Policisë kanë gjetur dhe sekuestruar në cilësinë e provës materiale një armë zjarri kallashnikov dhe municion luftarak.
Në përfundim të veprimeve është bërë dhe arrestimi në flagrancë i shtetasit Ramazan Çekës, 64 vjeç, banues në fshatin Xibrakë, Elbasan dhe materialet hetimore i kaluan Prokurorisë së Rrethit Gjyqësor Elbasan për veprime të mëtejshme për veprën penale “Armëmbajtja pa leje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
