Kryetari i Kontrollit të Lartë të Shtetit Arben Shehu, ka urdhëruar nisjen e auditimeve për të gjithë procesin e parashtruar në kërkesën e ardhur nga artistët e Cirkut Kombëtar.
Më datë 22.10.2021, pranë KLSH-së është paraqitur një kërkesë me shkrim nga artistë të Cirkut Kombëtar Shqiptar, ku kërkohej “një hetim më i gjerë mbi veprimet apo mosveprimet e kryera nga Cirku Kombëtar dhe/ose Ministria e Kulturës”.
Përmes shkresës referohen disa shkelje nga ana e punonjësve të institucioneve të sipërcituara, në kundërshtim me procedurën administrative të caktuar për mbrojtjen e interesave të tyre ligjore në kuadër të një procesi gjyqësor.
Gjithashtu, artistët kërkojnë një hetim më të thellë mbi mënyrën e menaxhimit të veprimtarisë së Cirkut Kombëtar nga ana e titullarit të këtij institucioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
