Ambasada e Shteteve të Bashkuara të Amerikës në Tiranë, bëri të ditur sot se, që prej fillimit të zjarreve në Shqipëri, ekipet e tyre kanë ndihmuar me ekspertë dhe ndihmë humanitare në shuarjen e këtyre zjarreve.
“Që prej mbërritjes në Shqipëri për të ndihmuar me përpjekjet e koordinimit dhe përgjigjes ndaj zjarreve në vend, ekipi ynë amerikan i ekspertëve nga Byroja për Ndihmë Humanitare e USAID, kanë ndihmuar forcat e Mbrojtjes Civile dhe Ndihmës Humanitare të Bashkimit Evropian dhe ato shqiptare. Sot punonjësja zjarrfikëse e Shërbimit Pyjor të Shteteve të Bashkuara të Amerikës, Renee Jack, u takua me pilotë holandezë dhe shqiptarë në Bazën Ajrore Ushtarake të Rinasit në Tiranë, për të diskutuar qasjen e tyre strategjike ndaj përgjigjes për zjarret”, theksoi Ambasada amerikane.
Ambasada amerikane në njoftimim e saj thotë se përpjekjet koordinuese midis ekipeve shqiptare, amerikane, çeke dhe holandeze, kanë mundësuar luftë efikase ndaj zjarreve në Shqipëri.
“Përpjekjet koordinuese midis partnerëve tanë shqiptarë, amerikanë, çekë dhe hollandezë, kanë mundësuar që ekipet të luftojnë zjarret në mënyrë më efikase. Ekipi ynë i ekspertëve ka ofruar gjithashtu trajnime mbi sigurinë dhe menaxhimin e rrezikut për operacionet e helikopterëve, manovrat e zjarrit në terren, taktikat e helikopterëve për zjarrin në terren, si dhe menaxhimin e komunikimin”, nënvizoi Ambasada. “Vendet tona vazhdojnë të jenë të bashkuara në përpjekjet dhe bashkëpunimin tonë gjatë kësaj kohe të vështirë për Shqipërinë. Krah për krah”, përfundon Ambasada e SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
