Situata mbetet e tensionuar në kryeqytet, ku sot ka nisur dita e katërt e revoltës së studentëve dhe të rinjve.
Gazetari Mariglen Kume raportoi drejtpërdrejt për “MCN Live” se përmes rrjeteve sociale janë paralajmëruar dy tubime të reja përgjatë ditës së sotme: i pari në orën 11:00 dhe i dyti në orën 14:00, çka pritet të sjellë sërish kaos në qarkullim.
Gjatë ditës së djeshme, epiqendra e betejës u fokusua përpara godinës së Kryeministrisë, ku për disa orë me radhë u regjistruan përleshje të ashpra mes protestuesve dhe policisë që mbronte institucionin.
Sot janw paralajmëruar dy tubime të reja përgjatë ditës së sotme: i pari në orën 11:00 dhe i dyti në orën 14:00.
Për të parandaluar grumbullimin masiv, forcat e rendit kanë ndërmarrë një strategji bllokimi në pikat hyrëse të Tiranës.
Policia ka ngritur postblloqe për të ndaluar grupet e të rinjve që tentojnë t'i bashkohen protestës nga zonat e Kamzës dhe Paskuqanit.
Si pasojë e këtyre kontrolleve të rrepta në akset kryesore rrugore, shumë studentë po hasin pengesa të shumta fizike për të mbërritur në vendin e tubimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
