Një ngjarje e rëndë është regjistruar paraditen e kësaj të diele në qytetin liqenor të Pogradecit, ku një grua është gjendur e mbytur.
Ngjarja ka ndodhur rreth orës 11:35, ku është njoftuar policia se në vendin e quajtur “Pompat e Tushemishtit” në Pogradec, është gjetur e mbytur në liqen shtetasja H. Q., 71 vjeçe, banuese në Korçë.
Mësohet se e moshuara ishte larguar nga banesa që në muajin shkurt, më datë 12.02.2022. Nga këqyrja paraprake e kufomës, nuk janë konstatuar shenja dhune.
Grupi hetimor po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
