Një 32-vjeçar është dhunuar fizikisht nga dy persona, babë e bir, pas në aksidenti në zonën e Laprakës në Tiranë. Policia bën të ditur se ngjarja ka ndodhur këtë të martë, në afërsi të shkollës “Aleks Buda”, ku janë përplasur automjetet e shtetasit A. R., dhe Xh. B., dhe A. B.
Shtetasi A. R., është dërguar në spital për ndihmë mjekësore, si pasojë e dëmtimeve të marra nga goditjet e dy shtetasve të tjerë.
Njoftimi i policisë:
Më datë 18.04.2023, rreth orës 16:10, në Laprakë, në afërsi të shkollës “Aleks Buda”, janë përplasur dy automjete (dëme materiale) dhe si pasojë janë konfliktuar dhe kanë goditur njëri-tjetrin me grushte, drejtuesit e automjeteve, shtetasi A. R., 32 vjeç, me shtetasit Xh. B., dhe A. B. (babë e bir).
Si pasojë e konfliktit shtetasi A. R., është dëmtuar dhe ndodhet në spital, për ndihmë mjekësore. Grupi hetimor po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
