Policia e Shkodrës ka shkatërruar mbrëmjen e së premtes një laborator droge në Njësinë Administrative Bërdicë. Burime nga policia kanë bërë të ditur për MCN se droga ishte kultivuar në një shtëpi në këtë fshat, ndërsa në pranga janë vënë 8 persona dhe 2 të tjerë janë shpallur në kërkim.
Në pranga kanë përfunduar punonjës të Operatorit të Shpërndarjes së Energjisë Elektrike. 3 prej të arrestuarve janë kapur në flagrancë në shtëpinë e barit. Në brendësi të banesës janë gjetur se sekuestruar rreth 2 mijë rrënjë kanabis, prej të cilave 1 mijë ishin gati për tu shitur dhe 1 mijë rrënjë të tjera sapo ishin kultivuar. Policia e Shkodrës pritet të japë njoftim lidhur me këtë rast të goditjes së kultivimit të lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
