Vrasja e Liridona Ademajt në Kosovë është prej pesë ditësh njëri nga titujt kryesorë në mediat e Shqipërisë dhe Kosovës. Në studion e emisionit “Të Paekspozuarit”, gazetari Artan Hoxha tha se ngjarja u kthye në materialin bazë të garës për klikime.
Është një temë të cilën ne e kemi larg dhe nuk duhet ta trajtojmë. E para ka ndodhur në Kosovë dhe e dyta se atje gjërat funksionojnë ndryshe.
Është një ngjarje që unë e kam ndjekur në vijimësi. Policia jep informacion të thatë dhe media fokusohet aty. Janë hedhur versione që nuk mbështeten askund. Si të priremi te fakti si të marrim ca klikime e shikime më shumë. Kjo ngjarje kaloi në rrjetet sociale, më pas redaksitë e lajmet dhe u krijuan panelet.
Deri mbrëmë familjarët e viktimës thoshin që ne nuk i kemi njoftuar akoma fëmijët. Në Kosovë kanë një model tjetër të raportuari, por fakti që kjo ngjarje mori vëmendje dhe marrja e ngjarjes nga mediat e Tiranës e bëri akoma më të komplikuar.
Sipas tij, ndjekja e ngarjeve të kësaj natyre, të cilat kalojnë për ditë të tëra nën lupën e medias, zhvendosin vëmendjen nga problemet e mëdha.
Unë mendoj që ata që kontrollojnë sistemin kanë kijuar një mekanizëm që të jetë i fokusuar pikërisht atje. Zakonisht kur jep lajmin i pari ke riskun edhe të dështimit. Por duke e përqendruar publikun te këto media të aktualiteti zhvendos vëmendjen nga probleme më të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
