Dy vëllezër italianë të cilët trafikonin automjete luksoze të vjedhura në Shqipëri, janë identifikuar nga policia në Tiranë, ku njëri prej tyre është vënë në pranga dhe tjetri është proceduar penalisht.
“Luxury Cars” u kodua operacioni i policisë, gjatë të cilit u sekuestruan dy automjete, njëri tip “Audi Q3” dhe “BMË X6”, prodhime të viteve të fundit, me vlerë rreth 150 000 euro.
Në kuadër të operacionit është arrestuar shtetasi italian D. S., 37 vjeç, banues në Itali, si dhe nisi procedimi në gjendje të lirë për shtetasin F. S., banues në Itali.
Nga hetimet ka rezultuar se këta dy shtetas, në bashkëpunim me njëri-tjetrin, kanë trafikuar në Shqipëri, automjete të vjedhura, kryesisht në Itali.
Në bashkëpunim me Prokurorinë, vijon puna për të zbardhur raste të tjera të trafikimit të mjeteve, që mund të kenë kryer këta shtetas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
