Policia ka vënë në pranga dy persona në qytetin e Korçës për veprime të kundërligjshme, përfshirë kontrabandën e mallrave dhe drejtimin e automjeteve pa leje.
Një 47-vjeçar, shtetas I. Ç., banues në Greqi, u kap në hyrje të Shqipërisë në pikën e kalimit kufitar Kapshticë me një sasi medikamentesh pa dokumentacionin përkatës.
Gjatë kontrollit, u sekuestruan medikamentet, automjeti dhe një celular. Specialistët e Seksionit të Hetimit të Krimit në DVKM Korçë e arrestuan në flagrancë për veprën penale “Kontrabanda me mallra të licencuara”.
Po ashtu, një 63-vjeçar, E. K., banues në Korçë, do të hetohet në gjendje të lirë pasi në automjetin e tij u gjetën të fshehura disa bombola me gaz freon të padeklaruara, të dyshuara të kontrabanduara.
Bombolat dhe automjeti u sekuestruan si prova materiale dhe materiali u referua në Prokurorinë e Korçës për procedim penal për “Kontrabandë me mallra të tjera”.
Policia njoftoi se kontrollet u kryen në bashkëpunim me shërbimet doganore dhe bazuar në informacionet e siguruara në rrugë operative.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
