Komisioni i Pavarur i Kualifikimit shkarkoi nga detyra gjyqtaren e Tiranës, Teuta Hoxha.
KPK njofton se pas shqyrtimit të dokumentacionit dhe zhvillimit të seancës dëgjimore në datën 10 nëntor 2022, për subjektin e rivlerësimit, Teuta Hoxha gjyqtare në Gjykatën e Rrethit Gjyqësor Tiranë, vendosi shkarkimin e saj nga detyra.
Procesi i vetingut për gjyqtaren Hoxha u krye nga trupa e KPK e kryesuar nga Valbona Sanxhaktari, me relatore Xhensila Pinen dhe anëtar Olsi Komicin.
Gjatë seancës dëgjimore më 10 nëntor, Hoxha u përball me barrat e provës për pasurinë, kriterin e vetëm për të cilin ishte përmbyllur hetimi paraprak.
Problemet kryesore që u evidentuan nga Komision i kishin të bënin me pamundësi të vërtetimit të burimeve për një apartament në përdorim në Tiranë, në pronësi të babait të bashkëshortit; një apartament në Golem; të një zyre dhe të dy automjeteve. Po ashtu, u konstatua gjykimi i tre çështjeve në kushtet e konfliktit të interesit.
Gjyqtarja Teuta Hoxha ka një karrierë 22-vjeçare në sistemin e drejtësisë.
Që prej vitit 2000 ajo kryen funksionin si gjyqtare në Gjykatën e Rrethit Gjyqësor, Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
