Policia ka zbuluar në fshatin Selcë në Malësinë e Madhe një ambient i cili ishte i përshtatur për tharjen e bimëve narkotike.
Bëhet me dije se janë gjetur qindra degë bimë të dyshuara narkotike kanabis sativa në proces tharjeje, si dhe rreth 2.6 kilogramë lëndë e dyshuar narkotike kanabis sativa, në formë boçeje.
Bimët narkotike u asgjësuan nëpërmjet djegies, ndërsa lënda narkotike u sekuestrua në cilësinë e provës materiale.
Njoftimi: Në fshatin Selcë, Malësi e Madhe, shërbimet e Komisariatit të Policisë Malësi e Madhe gjetën të kultivuara në tokë 38 bimë të dyshuara narkotike kanabis sativa. Në afërsi të vendit ku u gjetën bimët, shërbimet e Policisë zbuluan një ambient të përshtatur për tharjen e bimëve narkotike. Nga kontrollet, në këtë ambient u gjetën qindra degë bimë të dyshuara narkotike kanabis sativa, në proces tharjeje, si dhe rreth 2.6 kilogramë lëndë e dyshuar narkotike kanabis sativa, në formë boçeje. Bimët narkotike u asgjësuan nëpërmjet djegies, ndërsa lënda narkotike u sekuestrua në cilësinë e provës materiale.
Vijojnë hetimet intensive për identifikimin dhe për kapjen e autorit/ëve të këtij rasti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
