Moti i keq ka bërë që rrugët aksi rrugor që lidh qytetin e Laçit me Kishen e Shën Antonit (kisha e Sh’na Ndoit) të bllokohen nga bora.
Ky është paralajmërimi që është bërë nga strukturat e Emergjencës Civile të bashkisë Kurbin.
Si pasojë e dëborës së rënë, disa mjete që kishin shkuar për pelegrinazh në vendin e shenjtë, kanë mbetur të bllokuara dhe po ndërhyhet me mjetet e bashkisë për pastrimin e kriposjen e këtij segmenti.
Sipas asaj që njoftojnë emergjencat civile, në akset e tjera të kësaj bashkie nuk raportohen problematika. Si rezultat i erës me intensitet të vrullshëm, vazhdon të ketë ndërprerje të energjisë elektrike, sidomos në zonat rurale.
Grupet e punës së OSHEE janë në terren për riparimin e defekteve të shfaqura, kurse strukturat e MC të bashkisë janë në terren dhe po punojnë për normalizimin e gjendjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
