Shtatoret e dy Heroinave të Popullit, Bule Naipi dhe Persefoni Kokdhima janë rivendosur përsëri në vendin ku qëndronin para fillimit të punimeve për ndërtimin e parkimit dhe rikualifikimin e Sheshit te Çerçizit në Gjirokastër.
Heroinat u rivendosen në sheshin e Çerçizit në Gjirokastër, të derdhura në bronz.
Dy të rejat që u varën në litar në 17 korrik 1944 në degët e rrapit në këtë shesh, i riktheu po në shesh skulptori Ksenofon Kostaqi.
Shtatoret e mëparshme të të dy heroinave të skalitura në gur ishin dëmtuar nga koha dhe nuk mund të rivendoseshin në vendin ku kishin qëndruar përreth 50 vjet.
Shumë shpejt pritet që krahas shtatores së dy Heroinave të Popullit, në sheshin e rikonstruktuar që mban emrin e tij, të rikthehet edhe Monumenti i Heroit tē Popullit Çerçiz Topulli.
Ndërkaq monumenti i Çerçizit, vepër e skulptorit te Popullit Odise Paskali, është vendosur në Gjirokastër në vitin 1934 dhe derdhja në bronz e veprës është financuar me kontributin 3600 franga ari të banorëve të qytetit të gurtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
