Një tjetër person i dyshuar është ndaluar nga policia e Përmetit në lidhje me grabitjen e 75 mijë eurove në banesën e 63-vjeçarit Koç Proka.
Për ngjarjen fillimisht u ndalua si autore e dyshuar shtetasja O. Shabani dhe u shpall në kërkim shtetasi Paulin Peçi.
Prokuroria pranë Gjykatës së Shkallës së Parë Përmet ka lëshuar urdhrin e ndalimit edhe për shtetasin E. P., 30 vjeç, banues në Përmet, për veprën penale “Vjedhja” kryer në bashkëpunim, ndërkohë që shërbimet e Komisariatit të Policisë Përmet e ndaluan si i dyshuar si bashkëpunëtor në këtë vjedhje.
Gjatë kontrollit të ushtruar në banesën e tij u gjetën dhe u sekuestruan në cilësinë e provës materiale 12 aparate celularë dhe disa fishekë luftarak.
Materialet i kaluan Prokurorisë pranë Gjykatës së Shkallës së Parë Përmet, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
