Plagosja e pesëfishtë në Laç/ 25-vjeçari ndërron jetë në spitalin e Traumës

Paraditen e djeshme, qyteti i Laçit u trondit nga një ngjarje e rëndë.

 Pesë persona pas një konflikti, i dyshuar për motive banale, mbetën të plagosur me armë zjarri.

Ndërkohë mëngjesin e sotëm në Spitalin e Traumës në Tiranë ka ndërruar jetë shtetasi Gerald Bitri, 25 vjeç.

Për shkak të rrethanave të krijuara ditën e djeshme, fillimisht ai u identifikua si shtetasi G.K. 

Megjithatë, në vijim të procedurave është bërë e mundur identifikimi i saktë i viktimës.

Kurbin/Informacion shtesë

Në vijim të informacionit paraprak të dhënë mesditën e djeshme, lidhur me ngjarjen e ndodhur pranë ish-Gjykatës së Kurbinit, ju informojmë se si pasojë e plagëve të marra nga arma e zjarrit, ka ndërruar jetë në Spitalin e Traumës në Tiranë, shtetasi G. B., 25 vjeç.

Në njoftimin paraprak, gjeneralitetet e shtetasit që humbi jetën  janë dhënë gabim,  pasi gjatë kryerjes së veprimeve nga grupi hetimor ka rezultuar se inicialet janë G.B dhe jo G.N.