Edmond Koçi, anëtari i Bandës së Durrësit, që u ekzekutua me breshëri plumbash mëngjesin e sotëm mund të mos kishte pësuar këtë fat, nëse nuk do t’i kishte shpëtuar burgut.
Viktima ishte arrestuar në shtator për armëmbajtje pa leje, por me kërkesë të Prokurorisë u lirua.
Arrestimi i tij ndodhi në 24 shtator të vitit të kaluar pasi u arrestua në flagrancë mbi një motor, për akuzën e mbajtjes pa lejë të një pistolete, prodhim austriak të quajtur “Steyer” kalibër 9 mm.
Pavarësisht kësaj, ai nuk bëri asnjë ditë paraburgim dhe u lirua me argumentimin se ishte i infektuar nga Covid. Vendimi u dha nga prokurorja Rabiana Halili, e cila dy ditë më pas dha dorëheqjen para Këshillit të Lartë të Prokurorisë.
Sot Edmond Koçi, i njohur me pseudonimin Mond Çekiçi, u ekzekutua në makinën e tij rreth orës 08:40 pranë Drejtorisë Arsimore Durrës. Viktima udhëtonte me mjet me shofer dhe një automjet tjetër i ka prerë rrugën. Nga mjeti ka dalë shoferi i viktimës për të pyetur se çfarë kishte, ndërkohë që një nga personat ne mjetin tjetër ka qëlluar për vdekje Edmond Koçin me breshëri plumbash.
Lexo edhe:
Si u ekzekutua “Mond Çekiçi”, zbardhet komunikimi i shoferit të viktimës me autorët
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
