Eraldo Smaçi, ish-regjistruesi i Zyrës së Regjistrimit të Pasurive të Paluajshme Lezhë të mërkurën është arrestuar nga Policia e Lezhës.
Smaçi prej dy vitesh ishte i shpallur në kërkim, në kuadër të operacionit “Vol-Vo-4”, i zhvilluar gjatë vitit 2018, ku u godit një grup i strukturuar kriminal në fushën e krimit ekonomik.
Gjykata e Shkallës së Parë për Krimet e Rënda i ka caktuar masën e sigurisë "Arrest në burg", në mungesë, si i dyshuar për kryerjen e veprave penale “Shpërdorim detyre“, “Falsifikimi i dokumenteve“, "Falsifikimi i vulave, i stampave ose i formularëve“, “Shpërdorimi i tokës", në bashkëpunim, në kuadër të grupit të strukturuar kriminal, "Grupi i strukturuar kriminal", "Kryerja e veprave penale nga organizata kriminale dhe grupi i strukturuar kriminal.
Gjatë operacionit “Vol-Vo 4”, Policia e Shtetit arrestoi 27 persona dhe 17 të tjerë i shpalli në kërkim. Sipas Prokurorisë, në këtë aksion u goditën katër grupe kriminal të cilët kishin ngritur edhe laboratorin e drogërave të forta në Has.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
