Ministria e Shëndetësisë së Maqedonisë së Veriut, njofton se gjatë 24 orëve të fundit janë regjistruar edhe 13 raste të reja me COVID-19.
Fatkeqësisht edhe dy persona kanë humbur jetën gjatë mbrëmjes, njëri pacient ishte i moshës 55 vjeçare dhe ndërroi jetë në spitalin e Shkupit. Pacienti tjetër pasi ka ndërruar jetë është konstatuar se ka qenë i infektuar me COVID-19.
Gjithashtu bëhet e ditur se 44 pacientë janë shëruar plotësisht pas dy testeve të njëpasnjëshme.
Ndryshe numri i përgjithshëm i të prekurve në Maqedoni arrin në 1539, numri i të shëruarve është 1057, ndërsa kanë ndërruar jetë 88 persona. Për momentin numri i rasteve aktive është 394.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
