Ndërtoi pa leje një objekt, në një sipërfaqe toke të cilën nuk e kishte në pronësi, vihet në pranga një person në Kukës.
Në vijim të punës për parandalimin, evidentimin dhe ndëshkimin e veprimtarisë penale në fushën e ndërtimeve pa leje, veçanërisht brenda vijës së verdhë në zonat urbane dhe në zonat e mbrojtura, shërbimet e Komisariatit të Policisë Kukës arrestuan në flagrancë, për veprën penale “Ndërtimi i paligjshëm”, shtetasin L. N., 44 vjeç, banues në Kukës, pasi ka ndërtuar pa leje një objekt për biznes, në një sipërfaqe toke, për të cilën nuk kishte dokumente pronësie, në Lagjen e Re, Kukës.
Lidhur me këtë rast materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
