Një 27-vjeçar me inicialet K.B., banues në Holandë, u arrestua nga Policia e Tiranës.
“Blutë” bëjnë me dije se shtetasit holandez iu gjet gjatë kontrollit kokainë.
Ai ishte përfshirë në një konflikt në 26 maj, pak pas përfundimit të finales së Conference League, Roma-Feyenoord.
NJOFTIMI
Specialistët për Hetimin e Narkotikëve bënë arrestimin në flagrancë të shtetasit K. B., 27 vjeç, banues në Holandë, për veprën penale "Prodhimi dhe shitja e narkotikëve".
Më datë 26.05.2022, rreth orës 00:10, shërbimet e Policisë kanë marrë njoftim për një konflikt në rrugën "Abdi Toptani". Pasi kanë shkuar në vendngjarje, shërbimet e Policisë kanë shoqëruar në ambientet e Komisariatit, shtetasin hollndez K. B.
Gjatë kontrollit fizik nga shërbimet e Policisë, shtetasit K. B. iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit kokainë.
Në përfundim të veprimeve u bë arrestimi në flagrancë i shtetasit K. B.
Materialet i kaluan Prokurorisë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
