Një automjet është përfshirë nga flakët në orët e para të mëngjesit të kësaj të marte në qytetin e Lezhës.
Sipas informacioneve paraprake, makina ndodhej e parkuar brenda oborrit të Dioqezës së Lezhës dhe prej rreth një jave nuk ishte në përdorim.
Fatmirësisht, në momentin e shpërthimit të flakëve nuk ka patur persona brenda automjetit, ndërsa nuk raportohen të lënduar.
Menjëherë në vendngjarje kanë mbërritur shërbimet zjarrfikëse, të cilat kanë bërë të mundur neutralizimin e flakëve dhe kanë parandaluar përhapjen e zjarrit drejt godinës së Ipeshkvisë së Lezhës.
Paraprakisht dyshohet se shkak i zjarrit ka qenë një defekt ose shkëndijë elektrike në automjet, ndërsa grupi hetimor po punon për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
