Vazhdojnë prej katër ditësh flakët në Malin e Tomorrit

Prej katër ditësh, vazhdon zjarri në Malin e Tomorrit. 

Ministri i Mbrojtjes, Niko Peleshi ka bërë të ditur se Forcat e Armatosura, janë angazhuar duke luftuar me flakët edhe nga ajri.

 Ai falënderoi të gjitha forcat e angazhuara, për sakrificën që po bëjnë në terrenin e vështirë dhe në mes të të nxehtit.

 “Prej katër ditësh Forcat e Armatosura po luftojnë me flakët që kanë përfshirë malin e Tomorrit. Veç helikopterit nga ajri, janë angazhuar nga toka edhe trupat e batalionit të Poshnjes të cilët kanë mirënjohjen time për sakrificën që po bëjnë në atë terren dhe ato temperatura.”