Një aksident rrugor me pasojë plagosjen rëndë të një personi ka ndodhur mbrëmjen e sotme në Vlorë.
Ngjarja ka ndodhur në zonën e Skelës, ku një automjet tip "Benz" ka përplasur një Furistradë të parkuar.
Për pasojë drejtuesi i "Benz"-it ka marrë plagë të rënda teksa është dërguar me urgjencë në spital.
“Mendohet nga informacionet e para se drejtuesi i mjetit Benz ka humbur kontrollin dhe për pasoje ka goditur furistradën e cila ishte e parkuar pranë ambulancës kryesore te qytetit, një zone mjaft e populluar”, sqaron policia.
Deri më tani nuk dihen arsyet e humbjes së kontrollit të makinës nga ana e drejtuesit, teksa forcat e policisë kanë mbërritur në vendin e ngjarjes për të zbardhur rrethanat e aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
