Një shtetas shqiptar është arrestuar nga autoritetet britanike, pasi është kapur në një shtëpi bari. Sipas mediave të huaja, në pranga është vënë shtetasi Adhurim Hoxha, i cili, sipas raportimeve është larguar nga Shqipëria për shkak të hasmërisë.
Por si u arrestua Hoxha në Britaninë e Madhe? Policia bastisi godinën pas raportimeve të qytetarëve të cilët kishin nuhatur erën e lëndës narkotike. Adhurim Hoxha, babai i dy fëmijëve u përpoq të fshihej në rimorkion e kamionit, por policia arriti ta arrestojë dhe në godinë u gjetën 2000 bimë narkotike.
Këtë të enjte, gjykata vendosi të dënojë Hoxhën me 2 vite heqje lirie. Ai dyshohet se ishte i punësuar si kopshtar nga kultivuesit e lëndës narkotike. Adhurim Hoxha, babai i dy fëmijëve, kishte lënë familjen e tij në Shqipëri për të udhëtuar drejt Britanisë së Madhe në muajin dhjetor të vitit 2020.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
