Ndërtuan pa leje në tokë publike, arrestohet pronarja dhe dy punëtorët

Tre persona kanë rënë në pranga pasi u konstatuan duke ndërtuar pa leje, në fshatin Cerkovicë në Finiq.

Në vijim të veprimeve, nga specialistët për Hetimin e Krimeve në Komisariatin e Policisë Sarandë u bë arrestimi në flagrancë për veprën penale “Ndërtim i paligjshëm”, i shtetasve E.K., 65 vjeçe, banuese në Sarandë (pronarja e objektit), I.I., 60 vjeç dhe A. O., 62 vjeç, të dy banues në Sarandë (punëtorë).

Arrestimi i tyre u bë pasi në fshatin Cerkovicë, Finiq, u kapën në flagrancë duke ndërtuar një objekt pa leje nga autoritetet kompentete, në tokë publike.

Materialet procedurale i kaluan Prokurorisë pranë Gjykatës së Shkallës së Parë Sarandë, për veprime të mëtejshme.