Dy vëllezër të kërkuar nga drejtësia italiane për grabitje me armë dhe rrëmbim, janë vënë në prangat e policisë së Tiranës, për tu ekstraduar.
Gjatë operacionit të koduar “Brothers”, shërbimet e Seksionit të Kërkimit kanë kapur në zonën e Kinostudios dhe në zonën e Freskut, shtetasit Bashkim Hoxha alias Bashkim Kotherja, 35 vjeç, dhe Oltjon Hoxha, 32 vjeç, të dy banues në Tiranë, të cilët u arrestuan me qëllim ekstradimin drejt Italisë.
Këta shtetas ishin shpallur në kërkim ndërkombëtar, pasi Gjykata e Savona, Itali, iu ka caktuar masën e sigurisë “Arrest në burg”, për veprat penale “Grabitja me armë” dhe “Rrëmbimi i paligjshëm” parashikuar nga Kodi Penal italian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
