Policia kufitare e Vlorës ka nisur aksion për kontrollin e dokumentacionit të të gjitha mjeteve lundruese, që nga motorët e ujit e deri te mjetet lundruese të shpejta, tip skaf apo gomone.
Nisur nga aksidentet që kanë ndodhur si në detin e Jalës, po ashtu dhe në Jonufër, ku mjetet e shpejta detare kanë kryer manovra me shpejtësi në afërsi të bregut të detit, duke rrezikuar jetën e pushuesve, aksioni do të vijojë edhe në ditët e pikut të sezonit.
Ditën e sotme janë proceduar disa mjete tip motorë uji dhe janë ndëshkuar me gjobë dhjetëra qytetarë që lëviznin afër bregut të detit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
