Një çift bashkëshortësh është dhunuar me sende të forta mëngjesin e kësaj të mërkure në Fushë Arrëz. Ngjarja ndodhi rreth orës 08:00, në fshatin Arst.
Sipas Policisë, persona ende të paidentifikuar kanë sulmuar fillimisht 55-vjeçarin Skënder Nika, teksa po shkonte në punë. Më pas, autorët kanë dhunuar edhe bashkëshorten e tij, Bardhe Nika, 51 vjeçe.
Të dy u transportuan me ambulancë drejt Spitalit Rajonal të Shkodrës, ku ndodhen jashtë rrezikut për jetën.
Burime bëjnë me dije se rreth tre javë më parë çifti Nika kishte sinjalizuar Policinë për tre parcela të mbjella me kanabis, të cilat u asgjësuan gjatë një operacioni antidrogë.
Nga hetimet paraprake dyshohet se sulmi lidhet me këtë denoncim, ku autorët mund të jenë persona të përfshirë në kultivimin e lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
