Më 19 dhjetor 2024 SPAK shënoi 5-vjetorin e ekzistencës së tij, ndërsa nisi funksionimin më 19 dhjetor të vitit 2019. Ky institucion u drejtua për herë të parë nga prokurori Arben Kraja për tre vite, ndërsa në 2022 ai i la stafetën drejtuesit Altin Dumani. Në këtë përvjetor SPAK është i plotësuar me 20 prokurorë ndërsa po ashtu ka edhe 61 hetues të Byrosë kombëtare të hetimit dhe në vitin e pestë zgjodhi zv. e BKH-së.
Por cili është Bilanci i këtij Institucioni?
E teksa publikisht SPAK ka vënë në hetim zyrtarë të lartë publik e jo vetëm, funksionari më i lartë që përballet me hetimet e këtij Institucioni deri më sot është Kreu i PD-së z.Sali Berisha.
Ai ka cilësinë e ish-presidentit dhe ish-kryeministrit. Po ashtu përballë SPAK është edhe ish Presidenti Ilir Metaj dhe njëherazi kreu i partisë së lirisë. Renditur me shifra SPAK thotë se ka regjistruar 1809 procedime penale për 2496 persona.
Prej tyre, 1387 persona janë dërguar për gjykim.
Ø 1097 procedime dhe 1036 persona nën hetim.
Ø 61 zyrtarë të lartë të regjistruar për korrupsion,
Sa i takon Krimit të Organizuar SPAK thotë se ka:
Ø 494 procedime për 955 persona nën hetim
Për veprën penale të terrorizmit SPAK ka:
Ø 50 procedime penale me
Ø 29 persona nën hetim
Procedime pasurore në kuadër të pastrimit të parave (ligji Anti-Mafia):
Janë regjistruar 73 procedime me 141 subjekte
Sa i takon bashkëpunimit ndërkombëtar janë ngritur 42 skuadra të përbashkëta hetimore, nga të cilat 27 janë aktive. Në shifra financiare SPAK në 5 vite funksionim thotë se ka sekuestruar dhe konfiskuar mbi 182 milionë euro asete, të siguruara përmes mjeteve të paligjshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
