Një shtetas i Shteteve të Bashkuara është bërë i huaji i parë që ka vdekur nga koronavirusi, ndërsa një japonez gjithashtu vdiq pas simptomave të koronavirusit.
Zyrtarët kinezë njoftuan se numri i personave të vdekur ka shkuar 724, ndërsa 86 viktima u shënuan vetëm në 24 orët e fundit. Shifra pritet ta kalojë numrin e vdekjeve nga virusi SARS në vitet 2002-2003, kur kishin vdekur 774 njerëz.
Amerikani 60-vjeçar vdiq në spitalin Jinyintan në Wuhan, bëri të ditur një zëdhënës i ambasadës së Shteteve të Bashkuara. “Familjes ia shprehim ngushëllimet për këtë humbje. Për shkak të respektit për privatësinë e familjes, nuk kemi komente të tjera”, tha ai.
Një shtetas japonez u dërgua në spital me pneumoni në Wuhan dhe vdiq më vonë pas simptomave të koronavirusit. Për shkak të vështirësive për t’ia gjetur diagnozën, zyrtarët shëndetësorë e cilësuan si vdekje nga pneumonia virale.
Afër 35 mijë persona janë infektuar deri më tash nga koronavirusi dhe numri pritet të rritet në ditët në vijim, shkruan “The Guardian”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
