I vodhi me dhunë paratë dhe telefonin shtetases, në pranga 25-vjeçari

Një 25-vjeçar me inicialet F.S., banues në Berat, u arrestua nga policia pasi i vodhi me dhunë një shtetase një sasi lekësh dhe një telefon celular.

Ngjarja ka ndodhur në lagjen “30 Vjetori” në Berat.

NJOFTIMI

I vodhi me dhunë një sasi lekësh dhe aparatin celular një shtetaseje, vihet në pranga 25-vjeçari.

Specialistët e Seksionit për Krimet në Komisariatin e Policisë Berat bënë arrestimin në flagrancë të shtetasit F. S., 25 vjeç, banues në Berat, pasi në lagjen "30 Vjetori", në rrugë, i ka vjedhur me dhunë një sasi lekësh dhe një aparat celular shtetases M. G.   

Materialet i kaluan Prokurorisë pranë Gjykatës së Rrethit Gjyqësor Berat, për veprën penale "Vjedhja me dhunë".