Një 30-vjeçar me inicialet A.S., përfundoi në prangat e policisë në Elbasan, pasi ushtroi dhunë ndaj ish-bashkëjetueses.
Një tjetër u arrestua pasi u kap duke drejtuar mjetin në gjendje të dehur.
NJOFTIMI
Specialistët për Hetimin e Krimit të Komisariatit të Policisë Elbasan arrestuan në flagrancë shtetasin A. S., 30 vjeç, banues në lagjen "Beqir Dardha", Elbasan, pasi ka ushtruar dhunë ndaj ish-bashkëjetueses së tij. Specialistët e Qarkullimit Rrugor arrestuan në flagrancë shtetasin Sh. Q., 43 vjeç, banues në lagjen "Partizani", Elbasan, për veprën penale "Drejtimi i automjeteve në mënyrë të parregullt", pasi u kap duke drejtuar mjetin, në gjendje të dehur. Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
