Një ngjarje e rëndë është regjistruar paraditen e kësaj të premte në kryeqytet ku një person ka humbur ndjenjat duke u rrëzuar në tokë teksa ishte duke kaluar rrugën.
Ngjarja ka ndodhur në rrugën “Mine Peza” në Tiranë, ku si pasojë e rrëzimit e cila dyshohet të ketë ardhur si rezultat i luhatjeve të tensionit, personi ka goditur kokën.
Kanë qenë kalimtarët e rastit ata që i kanë dhënë ndihmën e parë dhe kanë njoftuar menjëherë policinë dhe ambulancën.
Sipas të pranishmëve bëhet me dije se personi i lënduar ka qëndruar në tokë i shtrirë mes gjakut, pasi ambulancën i është dashur 40 minuta për të mbërritur në vendngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
