Kosova për herë të dytë pas disa muajsh, që pas ditës së djeshme, nuk ka regjistruar as sot, asnjë rast të vdekjes nga Covid-19, ndërsa numri i rasteve të reja pozitive me koronavirus po vazhdon të bjerë.
Siç ka njoftuar Instituti Kombëtar i Shëndetësisë Publike në 24 orët e fundit janë testuar 3012 mostra dhe 31 kanë rezultuar pozitive.
Nëntë raste pozitive janë regjistruar në Prishtinë, pesë në Gjilan, nga tri në Mitrovicë e Podujevë, nga dy në Ferizaj, Prizren e Vushtrri dhe nga një në Deçan, Dragash, Fushë-Kosovë, Kaçanik e Obiliq.
Që nga fillimi i pandemisë në Kosovë janë regjistruar 107.244 raste pozitive me koronavirus, ndërsa 2239 kanë përfunduar me fatalitet.
Në 24 orët e fundit janë shëruar 95 pacientë, duke e çuar shifrën totale të shëruarve në 101.374. Janë 3631 raste aktive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
