Policia e Shtetit ka dhënë detaje lidhur me ngjarjen e ndodhur sonte në zonën e 21 dhjetorit në Tiranë. Në njoftimin zyrtar, policia njofton se konflikti i çastit kishte nisur mes katër personave brenda një lokali. Në një moment një prej tyre ka qëlluar me armë dhe është larguar, por pa shkaktuar të lënduar në njerëz.
NJOFTIMI I PLOTË:
Më datë 29.03.2021, në rrugën “Naim Frashëri”, në afërsi të një lokali aty pranë, si pasojë e një konflikti të çastit midis 4 shtetasve ende të paidentifikuar, njëri prej tyre ka qëlluar me armë zjarri në ajër dhe është larguar.
Nga verifikimet e Policisë nuk ka persona të lënduar. Në vendngjarje ndodhet grupi hetimor i cili po vijon veprimet për sqarimin e rrethanave të kësaj ngjarje, identifikimin e personave të përfshirë në konflikt dhe kapjen e personit që qëlloi me armë zjarri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
