Policia e Lezhës ekzekutoi këtë të martë masat e sigurisë të vendosura për tre persona, të cilët kanë falsifikuar dokumentet.
Për njërin prej tyre, shtetasi E. A., 33 vjeç, me detyrë ish-inspektor pranë një kompanie private në Shkodër, ishte vendosur masa “Arrest në burg”.
Kurse dy ish-elektricistë në Lezhë, shtetasit V. D., 62 vjeç dhe K. Z., 61 vjeç, u pezulluan nga detyra.
Në bashkëpunim me njëri-tjetrin, ata falsifikonin formularët e raportit të verifikimeve të matësve elektrik në subjekte të ndryshme private ku kryenin inspektime. Në këtë mënyrë, ata nuk evidentonin vjedhjen e energjisë elektrike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
