Terrorizoi Italinë e veriut, ekstradohet drejtuesi i “Audit” të verdhë

Ekstradohet në Itali Vasil Rama, 36 vjeç, shqiptari që kërkohej nga policia si drejtuesi i “Audit” të verdhë, makina e ndjekur për javë të tëra nga policia në Italinë e veriut.

I arrestuar në Greqi në fillim të shtatorit, Rama ishte drejtuesi i makinës që terrorizoi veriun e Italisë në janar të këtij viti. “Audi” i verdhë ishte mjeti me të cilin lëvizte një bandë grabitësish, të cilët kishin kryer disa vjedhje dhe një aksident me vdekje në zonë.

Në bazë të procedurave të ekstradimit, Rama është nisur nga Athina për në aeroportin e Malpensas, ku ka mbërritur dje pasdite, raporton ANSA.

Vasil Rama ishte në kërkim prej vitit 2011, kur ndaj tij ishte dhënë një dënim nga Gjykata e Bolzanos.