Aksident në aksin Fier-Seman, 4 persona përfundojnë në spital

Një aksident ka ndodhur pak minuta më parë në aksin rrugor Fier-Seman, në fshatin Fermë-Çlirim.

Në aksident janë përfshirë dy automjete, njëra prej të cilave ka dalë nga rruga dhe ka përfunduar në trotuar.

Si pasojë e aksidentit janë dërguar në Spitalin e Fierit 4 persona të plagosur, 2 prej të cilëve janë gra.

Në njoftim thuhet:

Rreth orës 17:00, në aksin rrugor "Fier-Seman", në fshatin Ferm Çlirim, automjeti tip "Benz" me drejtues shtetasi M. L., 57 vjeç, është përplasur me automjetin tip "Toyota", me drejtues shtetasi Dh. L., 37 vjeç .  Për pasojë janë dëmtuar drejtuesit e automjeteve, shtetasit M. L., Dh. L., si dhe dy pasagjeret e automjetit tip "Toyota" shtetaset I. D., dhe A. D., të cilët ndodhen në spital, në kujdesin e mjekëve. Grupi hetimor vazhdon veprimet në vendngjarje për zbardhjen e plotë të rrethanave të aksidentit.