Policia e Kolonjës ka vënë në pranga një 31-vjeçar, i dyshuar për plagosje të rëndë të një shtetasi pas një konflikti të ndodhur dy ditë më parë në fshatin Starje.
Sipas informacioneve paraprake, 31-vjeçari ka goditur viktimën me grushte dhe shkelma në trup dhe në kokë, duke i shkaktuar dëmtime të rënda.
Zbardhja e rrethanave të ngjarjes ka qenë e vështirë, pasi autori fillimisht ka deklaruar se e kishte gjetur të plagosurin të shtrirë.
Megjithatë, nga veprimet hetimore dhe provat e siguruara nga Policia është dokumentuar se ishte vetë ai autori i dhunës ndaj shtetasit të dëmtuar.
I plagosuri është transportuar fillimisht për ndihmë mjekësore dhe më pas është dërguar në Spitalin e Traumës në Tiranë për trajtim më të specializuar, për shkak të gjendjes së tij shëndetësore.
Policia e Kolonjës ka bërë të mundur zbardhjen e plotë të ngjarjes, ndërsa mësohet se konflikti ka ndodhur për motive të dobëta.
Nën drejtimin e Prokurorisë, grupi hetimor vijon veprimet për dokumentimin e plotë ligjor të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
