Një person i cili i vuri zjarrin një mobilierie në Vlorë është vënë në prangat e policisë nga uniformat blu të komisariatit nr. 6 Tiranë.
Si i dyshuar u arrestua Bledar Balliu, 37 vjeç, banues në Vlorë.
I ndaluari ishte shpallur në kërkim pasi Gjykata e Rrethit Gjyqësor Vlorë, me datë 13 janar, i kishte caktuar masën e sigurisë “Arrest në burg”, për veprën penale “Shkatërrim i pronës me zjarr”.
Nga hetimet intensive, të zhvilluara përgjatë disa muajve dhe me përdorimin e metodave speciale të hetimit, u dokumentua se më datë 11 nëntor 2025, në orët e para të mëngjesit, në lagjen “28 Nëntori”, në Vlorë, 37-vjeçari ka djegur katin e parë të një subjekti privat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
