Dy të rinj të cilët humbën orientimin mes errësirës në malin e Maranaj kanë kërkuar ndihmën e policisë së Shkodrës e cila ka finalizuar me sukses gjetjen e tyre.
Pasditen e djeshme, në sallën operative të Policisë së Shkodrës ka telefonuar një shtetas, i cili ka kërkuar ndihmë pasi për shkak të errësirës kishte humbur orientimin gjatë lëvizjes me biçikletë, me shokun e tij, në malin e Maranaj.
Menjëherë pas këtij njoftimi, drejt kësaj adrese, janë nisur shërbimet e Policisë. Pas 2 orësh kërkime në zonë, në mbrëmje, ata kanë gjetur 2 shtetasit (22 dhe 21 vjeç), në zonën e Domnit, dhe i kanë shoqëruar ata deri në qendër të qytetit, afër banesave të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
