Policia e Vaut të Dejës ka arrestuar vëlla dhe motër, të cilët akuzohen për kultivimin e një numri të konsiderueshëm bimësh dhe fidanësh narkotikë Cannabis Sativa në fshatin Kroni i Madh.
Arrestimi i 33-vjeçarit me iniciale P.P., dhe 43-vjeçares me iniciale A.P., u bë në kuadër të operacionit të koduar “Monitorimi”, pas kontrolleve intensive dhe hetimeve të kryera nga efektivët e policisë.
Gjatë operacionit, uniformat blu zbuluan parcelën ku ishin kultivuar bimët narkotike, të cilat u asgjësuan nëpërmjet djegies, ndërsa një pjesë e tyre u sekuestrua në cilësinë e provës materiale.
Në vijim të veprimeve procedurale, nisi procedimi penal në gjendje të lirë ndaj kryeplakut të fshatit Kroni i Madh, D.D., 51 vjeç, dhe vrojtuesit të pyjeve, N.G., 56 vjeç, të akuzuar për shpërdorim detyre. Policia njofton se kontrollet kundër kultivimit të bimëve narkotike do të vijojnë në të gjithë territorin e qarkut Shkodër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
