Dy shqiptarë dyshohet se kanë lidhje me vrasjen e një gruaje 46 vjeçe më 30 dhjetor në Verona, Itali. Trupi i Kadjia Bencheikh, me origjinë marokene, u gjet i copëtuar mbrëmjen e 30 dhjetorit në një fushë në Valeggio. Mediat italiane nuk bëjnë të ditur emrat e të arrestuarve, por saktësojnë se njëri është partneri i saj, ndërsa tjetri nipi i tij. Policia dyshon se vrasja është kryer nga partneri i gruas, ndërsa nipi i tij e kishte ndihmuar të copëtojë trupin dhe ta hedhë në fushë. Ndaj dy shqiptarëve është ngritur akuza e vrasjes në bashkëpunim dhe përdhosjes së kufomës.
Hetuesit kanë mundur të rindërtojnë skenën e vrasjes makabre. Sipas ekspertizës mjeko-ligjore, gruaja është vrarë me goditje me sende të forta në kokë dhe më pas trupi është prerë në copa me një sharrë elektrike. Më pas, autorët e kanë çuar trupin në një zonë të braktisur në Valeggio.
Trupi është gjetur nga një grua, e cila shkonte shpesh në atë zonë për të ushqyer kalin e saj. Hetuesit kanë arritur te dy shqiptarët pasi kanë analizuar rutinën e përditshme të gruas dhe njerëzit që ajo frekuentonte. / La Repubblica / Përgatiti: Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
