Një i ri i cili lëvizte i armatosur është vënë në prangat e policisë së Lushnjës.
Si rezultat i informacioneve të siguruara për një person i cili që lëvizte i armatosur në Lushnjë, në lagjen “Loni Dhamo” u ndalua i dyshuari Enrik Çela, i cili mbante me vete një armë zjarri pistoletë automatike, e cila u sekuestrua me cilësinë e provës materiale, së bashku me një krehër me 11 fishekë.
Në përfundim të veprimeve procedurale, u arrestua në flagrancë Enrik Çela, 33 vjeç, banues në Lushnjë, për veprën penale “Prodhimi dhe mbajtja pa leje e armëve dhe municionit luftarak”.
Ndaj të dyshuarit materialet i kaluan Prokurorisë së Fierit, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
