Nis sot zbatimi i Marrëveshjes Shqipëri - Itali, firmosur në nëntorin të vitit të shkuar mes kryeministrit Edi Rama dhe kryeministres italiane Georgia Meloni për strehimin e emigrantëve që do të shpëtohen në det.
Siç bën të ditur për “MCN live”, korrespondenti nga Lezha, Jul Simoni, anija italiane ‘Libra’ dhe 16 emigrantët në bord, zbarkuan në portin e Shëngjinit.
Ata pas dy orësh do të transferohen drejt kampit të Gjadrit.
Refugjatët zbritën në portin e Shëngjinit, ku po ju nënshtrohen procedurave të verifikimit dhe kontrollit në qendrën pritëse.
Një sërë efektivesh të policisë italiane dhe asaj shqiptare shoqëruan gjatë gjithë kohës anijen dhe kur anija hyri në ujërat shqiptare u shoqërua nga policia kufitare
Pas dy orësh ata do të transferohen drejt kampit të Gjadrit për procese akomodimi, përpunimi, verifikimi dhe izolimi apo riatdhesimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
